Áak’ab gaarsae’ ma’ jatsa’an ichil le ch’íich’o’ob sajbe’entsil yanik u ch’éejelo’ob, ba’ale’ jach k’a’anan, le beetike’ unaj u kaláanta’al tumen tu lu’umil Bermudase’ k’a’abéetkunsano’ob ti’al u ts’a’abal u p’iisil krustaaseos.
Kex beyo’, ma’ chéen krustaaseos ku jaantik; ki’ xan u yu’ubik muuch yéetel u jejeláasil kayo’ob, tumen beyo’ ku ts’áak u p’iisil u yantal ba’alche’.
Nycticorax nycticorax u sientiifikoil k’aaba’. U poole’ yaan tu’ux ku léembal, ts’o’okole’ óol k’aank’an yéetel tu p’u’uke’ yaan u sakil. Tu yooke’ yaan u chakil yéetel u samal chak, ba’ale’ jejeláas u jóok’ol kéen síijik.
En español: Garza nocturna controla plagas de crustáceos
Suuka’ane’ kéen e’elnake’ ku ts’áak ichil ka’ap’éel tak waxakp’éel je’. K’a’abéet u kaláanta’al kéen síijik tak kéen jóok’ok tu k’u’.
Tu péetlu’umil Quintana Rooe’ ku yila’al naats’ te’el tu’ux yaan k’áak’náab yéetel chak te’ob, le beetike’ ku yila’al tu ak’alil Nichupté, Cancún, tumen ti’ ku kaxtik ba’al u jaantej.
Xak'alutskíinsa'an tumen: Sasil Sánchez Chan
