Lajunp’éel u ja’abil walkila’. Leti’e’ juntúul xi’ipal ts’o’ok ch’a’ak u kaláant maanal 100 u túul muuch ti’al u yáantaj tu múuch’kajtalil Fraccionamiento Las Américas, tu noj kaajil Jo’. Suuka’an u láak’inta’al tumen u na’, tumen tu k’iinilo’ob u k’áaxal ja’e’ ku máan u mol muucho’ob yaan te’e najo’obo’ ti’al u biinsiko’ob tu’ux ma’ táan u beeta’al mix ba’al ti’ob.
En español: Conoce a Jahaziel, el niño que rescata sapos en Mérida
Ts’o’ok ka’ap’éel ja’ab káajak u beetik le meyaja’ chéen tumen uts tu yich: yaan u yantal u kaambal ti’al u beetik jbiologoil yéetel yaan u meyaj ti’al u kaláantik tuláakal ba’alche’ kun béeytal, ba’ale’ walkila’ táan u ts’áak u yóol ti’ bolontúul aalak’o’ob ts’o’ok u ch’a’ak -waxaktúul miis yéetel juntúul peek’- beyxan ti’ le muuch ku máan u ch’a’a te’e najo’obo’.
Ti’al u t’a’anal le xi’ipala’ ti’al ka xi’ik u ch’a’a muuch ku yokol ti’ najo’obe’, ku béeytal u beeta’al tu nuumeroil 999 746 6257, tu’ux kun núukbil tumen Jazmín. Walkila’ táan u kaniko’ob uláak’ ba’alo’ob ti’al u béeytal xan u máan u molo’ob uláak’ ba’alche’, je’el bix kaan yéetel xchiwol.
Xak'alutskíinsa'an tumen: Sasil Sánchez Chan
