Ya’abach ja’abo’ob paachile’, p’íitchaj ts’íibil k’abil ju’uno’ob, le beetik wíiniko’obe’ tu yóotaj u ts’áaj u kúuchil k’a’anan ts’íibo’ob ti’ ju’uno’ob tu’uix ts’o’okili’ u yáax ts’a’abal wa ba’axi’, le beetike’ ya’abach ts’íibo’obe’ beeta’abe’ jtsa’ato’ob. Ba’ale’, yéetel u yáantajil túumben nu’ukulo’obe’, jayp’éel ts’íibo’ob je’el u béeytal u ka’a chíikbesa’alobe’, je’el bix u ts’íibil Evangelio de Mateo, baalal ti’ jump’éel sutt’aan beeta’an ti’ Nuevo Testamento.
Yéetel u yáantajil UV sáasile’, u ajxak’al xookilo’ob El Vaticanoe’ tu kaxto’ob jump’éel ts’íib yaan kex mil 750 ja’abo’ob u yúuchbenil.
En español: Descubren con luz UV un evangelio oculto en un manuscrito de la Biblia
Grigory Kessel, u ajxak’al xookil Academia de Ciencias de Austria (ÖAW), tu tsolaje’ ma’ tumen wa ma’ yáax ila’ak le ts’íib je’elo’, u jaajile’ chéen ma’ yáax ila’ak le sutt’aano’. Beyxan tu ya’alaje’ ka’a wáal le kaxta’abo’, yéetel u ts’íibil u jaatsil 12 Evangelio de Mateo, ts’o’okili’ u yáax sutta’al ich griego t’aan.
Beey túuno’, sutt’aan kaxta’abe’, ich siríacica t’aan beeta’an yéetel yaan kex jump’éel siiglo u maas úuchbenil ti’ le griego ts’íibo’ob ts’aka’antak kaxta’an.
Xak'alutskíinsa'an tumen: Sasil Sánchez Chan
