Meyaje’ tu ch’a’aj u yóol ti’ u woojilo’ob Nazca, Perú, jbeeta’ab tumen wíinik tu siigloil, le beetik walkila’, junmúuch’ aj-its’at máako’ob meyajtik plaastikae’, tu beetaj juntúul nuxi’ ch’oom, ku béeytal u yila’al u yoochel ti’ baalo’ob je’el bix Google Earth.
Wi ñill: Wa’ Shayii, u k’aaba’ meyaj beeta’ab, ts’a’aban ich cucapá t’aan, ts’o’okole’ u k’áat u ya’al Cerro Prieto: Casa del Zopilote, ich káastelan t’aan. Jbeeta’ab yéetel u tuunich k’áak’il wiits ts’o’ok u kíimil, yéetel ti’ yaan ka’ach te’e k’áax tu’ux beeta’abo’, tu kaajil Mexicali, Baja California.
Xe Juan Hernández, j-its’at máax jo’olbes meyaje’, tu ya’alaj ch’oome’ u chíikulal kuxtal yéetel kíimil ich cucapá miatsil, le beetike’ yéeya’ab le ba’alche’a’ ti’al u chíimpoltik k’áak’il wiits yanchaj te’elo’.
En español: Conoce el monumental zopilote ubicado en Cerro Prieto, Mexicali
Wooj tu beeto’obe’, ku p’isik 200 metróos u ka’analil yéetel 190 u chowakil wa u xitmaj u xiik’; ti’ yaan tu baakel u chi’ le k’áak’il wiitso’, tu’ux ka’aj ts’o’oke’, yanchaj u ja’il ba’ale’ ts’o’ok xan u tijil.
Xak'alutskíinsa'an tumen: Sasil Sánchez Chan
