Jtsotsil ts’íib Miguel Ruiz Gómez, chíimpolta’ab yéetel Premio Nezahualcóyotl de Literatura en Lenguas Mexicanas, úuchik u beetik u ts’íibil Sk’ak’alil ayan li ak’obale (El origen de la noche), beey jts’a’ab k’ajóoltbil tumen u mola’ayil Secretaría de Cultura (SC) ti’ jump’éel k’a’aytajil ts’íib.
Ti’al u xak’alta’al ts’íibo’ob táakpaj te’e noj ketlamo’, t’ana’ab ajts’íibo’ob yaan ba’al u yojelo’ob yóok’lal máasewal t’aano’ob, ts’o’okole’ tu ya’alajo’obe’ jchiapasil ts’íibe’ ku t’aan yóok’lal loobilaj ku beeta’al yóok’lal ts’o’ots’onajil, ts’o’okole’ ku ye’esik “kaajo’ob yéetel máako’ob chíikbesik u yóol tseltal kaaj, je’el bix xan bix u aktáantikubáaj poliitikáas tu noojolil u noj lu’umil México”, a’alabij.
En español: Reconocen al escritor tsotsil Miguel Ruiz Gómez con el Premio Nezahualcóyotl
Meyaj tu beetaje’ “uláak’ bix je’el u páajtal u na’ata’al ts’íib ku beeta’al ichil u máasewal t’aanilo’ob México, tu’ux ku xa’ak’ta’al k’aay tuukul, beyxan tsikbal, muuch’ul ti’ payalchi’ob e’esik k’a’anan súutukilo’ob ti’ u k’ajla’ayil kaaj, tu’ux ku jach ch’a’ak u muuk’ tsikbal”..
Miguel Mikel Ruiz (Chicumtantic, Chamula, 1985) tu ts’o’oksaj u xookil t’aan yéetel líieteraturáa íispanoamerikanáa, tu noj najil xook Universidad Autónoma de Chiapas, beyxan tu xokaj maestriail líieteraturáa íispanoamerikanáa ti’ le ja’abo’oba’, tu noj najil xook Universidad Austral de Chile yéetel tu xokaj u dóoktoradóoil sieensyáas sosyaales yéetel úumaniistikáas tu kúuchil Centro de Estudios Superiores de México y Centroamérica, ti’ u noj najil xook Universidad de Ciencias y Artes de Chiapas.
Xak'alutskíinsa'an tumen: Sasil Sánchez Chan
