Ti’al mexica wíiniko’obe’ u jach táaj utsil lu’ume’ ku yantal wa kaláanta’an tumen u yuumtsil cháak, Tláloc, máax kaláantiko’ob tu jach ka’analil jump’éel wiits, ka’alikil leti’obe’ ku yóok’oto’ob, ku báaxalo’ob yéetel ku múul ki’iki’ óoltik u yantal uláak’ kuxtal je’el bix péepen, tu bak’pachilo’ob.
Le je’ela’, beey u chíikpajal ti’ jump’éel pak’boonil beeta’ab tu yúuchben kaajil Teotihuacan; boonile’ k’a’anan tumen jach chéen leti’ kaxta’an ti’ le úuchben miatsilo’ob tu’ux yaan péepen bona’ani’.
Pak’boonile’ k’aaba’inta’an Tlalocan, ts’o’okole’ láayli’ xan k’a’anan tumen ku ye’esik u yoochel wíinik ku báaxtik pok ta pok, ba’ale’ tak walkila’, ti’ mix jump’éel aztekail úuchben kaaj kaxta’an mix jump’éel kaanchai’.
Ichil ba’ax a’ala’an tumen ajxak’al xooko’obe’, u pak’boonil Tlalocane’ ku chíikbesik ki’ichkelem lu’um ti’al máaxo’ob ku kíimilo’ob kéen búuluk u ni’ob, tume ku ja’ats’ako’ob tumen cháak wa yóok’lal je’el ba’axak ka úuchuk yaan ba’al u yil yéetel ja’.
Te’e kaajo’, tuláakal wíinik ki’imak u yóol tumen nonoj u yantal ba’ali’.
Tláloc jo’olbesik le boono’, ts’o’okole’ chíika’an yóok’ol jump’éel wiits tu’ux ku yáalal ja’i’. Kaabale’, ti’ yaan wíinik ku báaxal, ku yóok’ok yéetel ku k’aay, ts’o’okole’ jach tu beel e’esa’an u boonil nikte’ob yéetel ixi’im.
U boonil Tlalocane’ u chíikulal ki’iki’ óolil, tu’ux láaj kaláanta’an u máakil tumen u yuumtsil Cháak, tumen chéen ja’alil beey béeyak u yantal k’iimbesajil.
Lee la versión en español: Conoce el impresionante mural ‘Tlalocan’ ubicado en Teotihuacan
