Jo’
Ichil ba’ax táan u beeta’al tu nu’ukbesajil Una mirada ligera a las comunidades del sur de Yucatán, xookil paalalo’ob primaaryae’ áantajnajo’ob ti’al u beeta’al áanalte’ob tu’ux ku chíikbesa’al u yóol, u k’ajla’ayil yéetel u miatsil Dzan, Chumayel, Oxkutzcab yéetel Tekax.
Áanalte’obe’ beeta’ab jump’éel ti’ lalaj kaaj, yéetel ku ye’esiko’ob bix u paakat paalal yaan te’e kaajo’obo’, tumen leti’ob máaxo’ob tsikbaltik jejeláas ba’alo’ob yóok’lal u k’ajla’ayil, beyxan bix u yilko’ob ba’al ti’al u paachil k’iin te’e baantao’.
Una mirada ligera a las comunidades del sur de Yucatán jump’éel ti’ le kamp’éel nu’ukbesajo’ob yaan u beeta’al ichil u nu’ukbesajil Programa Somos el Cambio; lelo’ jump’éel ketlam beeta’abij, yéetel náajalta’ab ti’al u beeta’al jejeláas meyajo’ob. Náajale’ k’uba’ab le 8 ti’ septiembre máaniko’, tu kaajil Nuevo Vallarta, Nayarit.
Le je’ela’ yáax juntéen u táakbesa’al xoknáalo’ob ichil jump’éel nu’ukbesaj ku beeta’al tu noj lu’umil México, tu’ux ku kaxta’al u péektsilta’al tsikbalo’ob yéetel ts’íibo’ob suuk u beeta’al te’e kaajo’obo’.
Ti’al u beeta’al áanalte’obe’ páayt’anta’ab u xookil paalalo’ob primaryáa tu noojolil Yucatán, máaxo’ob tu ts’áajo’ob tsikbal a’alab ti’ob tumen le nojoch máako’ob tu kaajalo’ob.
En español: Estudiantes de primaria diseñan libros de comunidades del sur de Yucatán
Xak'alutskíinsa'an tumen: Sasil Sánchez Chan
