Tu noj lu’umil Méxicoe’, yaan ka’ap’éel meyajo’ob táan u péeksik u yóol táankelem máak: u meyajta’al kakaw yéetel u beeta’al u jejeláasil ba’alo’ob yéetel chukwaj. Le ba’alo’oba’ táan u beetik u chan ch’éenel le beyka’aj máak ku jóok’ol tu kaajal ti’al u bin táanxel tu’ux, yéetel tak u ch’éenel u kaxta’al u jeel meyajo’ob, beey a’alab tumen Alicia Páramo, máax jo’olbesik u múuch’kabil Asociación Nacional de Fabricantes de Chocolates, Dulces y Similares (Aschoco).
Ti’ tsikbal tu beetaj yéetel La Jornadae’, tu tsikbaltaje’ táan u péeksa’al u yóol táankeloem paalal ti’al u meyajta’al kakaw, yéetel ti’al u beeta’al u jeelo’ob yéetel.
En español: Chocolate para frenar la migración en México: Aschoco
Ichil ba’ax ts’a’aban k’ajóoltbil tumen nstituto Nacional de Estadística y Geografía (Inegi) a’alabe’, tu ja’abil 2020, tu ja’abil pak’be’en k’oja’ane’, u meyajil chukwaj yéetel ch’ujuke’ jlúub 2.4 por siento, ba’ale’ ti’al u ja’abil 2022e’ ka’anchaj u taasail anual yóok’ol u 7.9 por sientoil.
Beey túuno’ Páramo tu ya’alaje’, u México ti’ yaan tu kúuchil 14 ichil máaxo’ob meyajtik kakaw ichil tuláakal yóok’ol kaab. Ts’o’okole’ ti’ lu’umo’ob je’el bix Tabasco, Chiapas, Guerrero yéetel Oaxacae’, ts’o’ok u chan nonojtal u meyajta’al kakaw yéetel mu’uk’an yanik tak tu táan moniliasis (kuuxum multik u che’il).
Xak'alutskíinsa'an tumen: Sasil Sánchez Chan
