Yóok’lal u nu’ukbesajil Sistema de Atención a Niños, Niñas y Adolescentes Farmacodependientes del Estado de Campeche (SANNAFARM) “Vida Nueva”, ts’o’oku ts’aatáanta’al ti’ le beyaka’aj k’iino’ob ts’o’ok u yáalkab ti’ le ja’aba’, 4 mil 555 u túul paalalo’ob ts’o’ok u yoksikubáajo’ob yéetel ba’ax k’ajóolta’an beey sustancias psicoactivas.
Te’e kúuchilo’, ma’ chéen ku yáanta’al máaxo’ob ts’u’uts’ik le ba’alo’, tumen ku táakbesa’al xan u láak’alo’ob, ts’o’oke’ óoxp’éel bix u ts’a’abal áantaj: yéetel kóonsulta externa, u ts’a’abal tráatamiento ambulatoryóo, yéetel u ts’ooke’ u nu’ukbesajil “Luz de Vida”.
En español: Campeche: Van más de 4 mil 500 niños, jóvenes y sus familiares atendidos en 2023 por adicciones
Máax jo’olbesik SANNAFARM, Neyda del Carmen Sosa Cauich, tu tsolaje’ meyajo’ob ku beeta’ale’ u ti’al u yáantal tuukul yéetel toj óolal máaxo’ob ts’o’ok u sa’atalo’ob yóok’lal le ba’alo’ob tu noj lu’umil Kaanpech.
Tu k’áataj ti’ kaaje’, wa yaan paalal ts’o’ok u túuntik le k’aasil droogaso’ wa ma’ tu béeytal u p’atike’, ku béeytal u t’aan máak SANNAFARM tu numeroil 981 812 0690 wa beyxan y túuxta’al WhatsApp tu numeroil 981 814 4919 ti’al u béeytal u ts’aatáanta’alo’ob tumen máaaxo’ob ts’o’ok u kanik u beetiko’ob yéetle u yojelo’ob áantaj.
Xak'alutskíinsa'an tumen: Sasil Sánchez Chan
