Metae’ tu ts’áaj k’ajóoltbile’ le martes máanika’, yaan u káajal u balik jejeláas ba’alo’ob ma’ no’ojantak ti’al táankelemo’ob ichil u kúuchilo’ob Instagram yéetel Facebook; ichile’ táaka’an ts’íio’ob yóok’lal u kíinsikubáaj máak, u loobiltikubáaj máak yéetel u ch’a’apek’ta’al janal.
Noj mola’ay jeets’el Menlo Park, California, tu ya’alaj ti’ k’a’aytajil ts’íibe’, walkila’ ma’ táan u ts’áak tu áan táankelemo’ob “ba’ax ma’ no’oja’an u ti’alo’obi’”, ba’ale’ ma’ xan táan u bin e’es ti’ob ba’alo’ob beyo’, kex wa ku t’u’ulpachtiko’ob máax k’i’itbesik wa ts’íibtik.
Táankelemo’ob k’a’abéetkunsik le reedeso’, wa tumen ma’ tuusnajo’ob yóok’lal beyka’aj u ja’abilo’ob ka ooko’ob Instagram wa Facebooke’, yaan béeytal u yilko’ob u kuentaob ti’ jaats tu’ux k’ata’an beel ti’al jayp’éel ba’alo’ob ichil le redeso’, ts’o’oke’ ma’ xan tu béeytal u kaxtiko’ob t’aano’ob je’el u beetik k’aas ti’obi’.
Ba’ax k’a’aytab tumen Metae’ táan u beeta’al tumen yóok’ol mola’aye’ jets’a’an tak poolo’ob tu lu’umil Estados Unidos tumen ku beetik k’aas bin ti’ táankelemo’obm ts’o’oke’ ku yantaj ti’al u maas k’astal ba’al tu tuukulo’ob.
Lee la nota en español: Meta ocultará publicaciones sobre suicidio y trastornos alimenticios en ‘feeds’ de adolescentes
Xak'alutskíinsa'an tumen: Sasil Sánchez Chan
