Ikil u kaxta’al u mu’uk’ankúunsa’al t’aan ichil u xookil paal primaaryae’, u mola’ayil Secretaría de Educación del Gobierno del Estado de Yucatán (Segey), ikil táan u meyaj Dirección de Educación Indígena, táan u beetik páayt’aan ti’al u ts’íibtik u k’aaba’ máaxo’ob taak u táakpajalo’ob tu nu’ukbesajil "Ko'one'ex Kanik Maaya".
Le je’ela’ táan u kaxtik ka ka’anak yéetel ka k’a’abéetkunsa’ak maaya t’aan tumen u xoknáalilo’ob primaryáa. Le beetik máaxo’ob kun ts’áak xooke’ jach k’a’anantako’ob ti’al u béeytal u meyajo’ob yéetel le paalalo’obo’ ka’alikil táan u ja’abil xook.
En español: Segey busca facilitadores de lengua maya para el programa 'Ko'one'ex Kanik Maaya'
Ichil ba’ax ts’a’aban k’ajóoltbile’, táan u kaxta’al máax u k’áat meyaj ti’ le je’ela’, ti’al u ka’ansa’al ti’ primaaryáas. Máax u k’áat táakpajale’, unaj u yojel u t’an yéetel u ts’íibt maaya, beyxan unaj u yojel bix je’el u ka’ansike’.
Ti’al u ts’íibtik u k’aaba’ máak kéen yéeya’ak u yuumile’, ku béeytal u xak’alta’al jach ba’ax le ku k’áata’al u ti’alo’, ichil u kúuchil Internet Segey, wa te’ela’: tinyurl.com/yjknsahj.
U ts’ook k’iinil ti’al u yoksik u k’aaba’ máake’ 31 ti’ enero ti’ le ja’aba’. Unaj u k’u’ubul u ju’unil sóolisitud yéetel uláak’ ju’un ku k’áata’ale’, tu kúuchil Departamento de Lengua y Cultura Maya, yaan tu mola’ayil Dirección de Educación Indígena.
Xak'alutskíinsa'an tumen: Sasil Sánchez Chan
