Tu wíinkilale’ ku tíip’il beey k’i’ixo’obe’, ts’o’oke’ yéetel u k’áane’ ku chukik u yo’och; leti’e’ espinosa am ku jiit’. U sientifikoil k’aaba’e’ Gasteracantha cancriformis. Juntúul chan ba’alche’ kaja’an ichil u k’áaxil Área de Protección de Flora y Fauna “Laguna de Términos”, méek’a’an tumen u petenil Isla del Carmen.
Jacqueline May Díaz, máax beetik u k’a’aytajilo’ob Desarrollo y Medio Ambiente, A.C., tu tsolaj u xch’uupulil le ama’ chíika’an tumen kóoch u nak’, ts’o’oke’ wakts’íit u k’i’ixel yaan, a ka’akap’éel tu ka’a tséelikilo’ob, yéetel ka’ap’éel paachili’.
U boonile’ jejeláas bixij. Yaane’ k’as k’aank’an, sak, chak k’aank’an yéetel chak, ba’ale’ yaan xan de booxtaki’, ts’o’oke’ yaan xan u wíiwits’ booxil tu yóok’kabili’”.
Tu tsolaj xane’, u xiibile’ óol maas chichan ti’ u xch’uupulil, ts’o’oke’ u k’i’ixele’ ma’ chíika’an wa jach táaj je’el u loome’, mix xan jach yaan u boonili’.
Suuk u yila’al América Central yéetel Caribe, beyxan México yéetel jayp’éel u kaajilo’ob Cubai’”.
Ku náakal ichil 2.5 tak 4.5 sentimeetróos u nojochil yéetel ku jaantik xya’axkacho’ob, péepeno’ob yéetel u yik’elo’ob kaab.
