Kex tumen jach ts’íik u yila’al yéetel séen u sajakunsik máake’, americanoil áayime’ (Crocodrylus acutus) juntúul ba’alche’ sajbe’entsil yanik u ch’éejel tumen táan u sen k’askúunsa’al u yotoch, je’el bix jáal ja’ob, tu tsikbaltaj Gonzalo Merediz Alonso, máax jo’olbeisk Amigos de Sian Ka'an.
Tu ya’alaje’, Crocodylus acutuse’ jump’éel ti’ u ka’ap’éel jejeláasil yaan Quintana Roo; uláak’e’, kaja’an ti’ pantanos (Crocodylus moreletii).
Beey túuno’, americanoe’ maas ma’ jach ya’abach tu’ux ku yila’al ti’ le kpéetlu’umila’, ba’ale’ suuk u yila’al tu’ux yaan ch’óoch’ ja’, ti’ jáaj ja’, je’el bix tu petenil Cozumel wa Banco Chinchorro, ts’o’oke’ ma’ seen ya’abach yano’obi’, le beetik séeba’an u yila’al u píitchajalo’obi’.
En español: Cocodrilo americano, especie amenazada por la depredación
Áayime’ ku páan ti’al u beetik u k’u’, tu’ux ku ye’el. Ku ts’áak ichil 9 taj 54 je’ob, yéetel ku xáantal kex 83 k’iino’ob nokokbal yóok’ol. U ni’e’ maas kóoch ti’ le uláak’ u jejeláasil áayimo’, ts’o’oke’ u boonile’, óol ya’ax koob, yéetel u nojochilo’obe’ ku léembalo’ob, ka’alikil táankelemo’obe’ maas chaj booxtak u paacho’ob yéetel tu jobnele’ mina’an mix ba’ali’. Maases kay ku jaantik, ba’ale’ beyxan ku jaantik uláak’ ba’alche’ob ma’ jach nuuktaki’.
Xak'alutskíinsa'an tumen: Sasil Sánchez Cha
