Ch’íich’e’ ch’eench’enkil u ch’úuktik ba’ax ken u chuk u jaantej, wa ma’e’ ch’a’apachtbil u beetik; ku chukik xt’ata’ach, mejen ba’alache’ob, nojoch ik’elo’ob, jaytúul ch’íich’o’ob, ts’o’oke’ mantats’ u xik’nal kex ma’ jach táaj ka’anal u máani’. Leti’e’ samal boox ch’úuya’ k’ajóolta’an xan beey i’, ich káastelan t’aan. U sientifikoil k’aaba’e’ Buteo Plagiatus, yéetel méeka’’an tumen Accipitridae baatsil Tak walkila’ ma’ sajbe’entsil yanik u ch’éejeli’.
“Ma’ seen nojoch le ch’íich’a’, ts’o’oke’ u xiik’e’ maas chan kóomtak yéetel u neje’ maas chowak ti’ u jeel i’ob suuk u yila’al. Ku p’isiko’ob ichil 46 yéetel 61 sentimeetróos u chowakil. Ku aaltalo’ob kex 475 graamóos”, ku tsolik Jacqueline May Díaz, máax beetik u k’a’aytajilo’ob Desarrollo y Medio Ambiente, A.C.
En español: Aguililla gris, un ágil volador de la Laguna de Términos
Tu tsikbaltaje’, séeba’an u xik’nal, yéetel awat xan ku beetik.
“U k’u’e’ ku beetik yéetel ch’ilib, ts’o’oke’ tu’ux ka’anale’ ti’ ku beetiki’tu tsikbaltaj Beatriz Jiménez Cruz, máax táaka’an tu múuch’il Asociación de Visores de Aves de la Laguna de Términos, A.C.
Xak'alutskíinsa'an tumen: Sasil Sánchez Chan
