Jcubail meyajnáal, Bruno Rodríguez Parrilla, tu tsikbaltaj le domingo máanika’, u registroil sanitario tu noj lu’umil Bielorrusia, tu’ux yaan Cimavax, u yáax báakunail terapeutikail ti’al u ts’unusil, wa cáncer, tu sot’ot, wa pulmón, wíinik ku beeta’al te’el peteno’.
En español: Registran vacuna cubana 'Cimavax', primera contra cáncer de pulmón
‘U báakunail Cimavaxe’ tu
k’amaj u sanitarioil chíimpolal
tu noj lu’umil Bielorrusia.
Biotecnológico yéetel
farmacéutico meyaj ku beeta’al
Cubae’ láayli’ u yantal u yich,
kex tumen yaan talamilo’ob ku
máansik ikil u jach k’áatal u beel
tumen Estados Unidos”, a’alab
tumen noj lu’um tu kúuchil X.
Le 12 ti’ julio máanika’, u kúuchil Centro Pericial y de Pruebas en Atención Sanitaria, ti’ u mola’ayil Ministerio de Salud ti’ europeoil noj lu’ume’, tu k’ubaj u registroil Cimavax, báakuna beeta’ab tumen u kúuchil Centro de Inmunología Molecular de la isla.
Le je’ela’ leti’e’ yáax registrarta’an de oficial ichil tuláakal yóok’ol kaab, ti’al u ts’aatáanta’al u ts’unusil sot’ot. U ts’unusil sot’ote’ leti’e’ ba’ax kíinsik, tu jach ya’abil, xiibo’ob yéetel ko’olel, tumen óoli’ ku chíimbesik kex u 25 por cientoil máak ku kíimil tumen.
Xak'alutskíinsa'an tumen: Sasil Sánchez Chan
