U cha’anil u Ko’olebil Asunción tu baantail San Sebastián, tu noj kaajil Jo’, ku káajal tu k’iinil 3 ti’ agosto yéetel ku ts’o’okol 19; sáansamale’ ku yantal gremios, je’el bix le ku beeta’al tumen kolnáalo’ob wa u ajmeytajilo’ob kisbuuts’o’ob, ba’ale’ ti’al le ku beeta’al tumen ajkiinsaj wakax wa jkon bak’o’ob, tu k’iinil 10 ti’ agostoe’, ojéela’an ku tóoka’al toritos, yéetel ku yantal u paaxil ka’alikil u buuts’áankil.
Te’el ja’aba’, káaj u tóoka’al yáax torito tu kaampoil soft ball San Sebastián úuchik u káajal u paaxil banda xan; yáax jóopsa’abjump’éel u éestandarteil tu’ux chíika’an U Ko’olebil Asunción, ka’aj leelemnaj xan u ts’íibil tu’ux ku ya’alik u k’iinil k’iimbesaj beeta’an tumen ajkiinsaj wakax.
En español: Los toritos de San Sebastián: una noche de fuego y agradecimiento
Chochobkil u yookbal le kaampoo’, ts’o’oke’ ti’al le áak’abo’ tóoka’ab kex 20 u p’éel le toritoso’. Wíinik tu kuchaj le toritoo’ u yojel ba’ax ken u beetej: u ch’a’apachtik máaxo’ob yano’ob te’elo’, u sutulsuut yéetel u che’ej ka’alikil u ja’aksik u yóol le máaxo’ob biinjano’ob te’elo’. Jumpuul u káajal u yila’al u wáak’al ba’al yéetel u jóopol sáasilo’ob.
Le maas ma’ saajko’obe’, leti’e’ táankelemo’obo’, ts’o’oke’ ti’ ku yáalkabo’ob tu tséel le toritoo’. Ku kóoliko’ob yéetel ku ts’áakubáaj u macho’ob.
Xak'alutskíinsa'an tumen: Sasil Sánchez Chan
