Tu yáax súutukil u k’iinil jo’oljeak, ya’abach paalal yéetel táankelemo’obe’ tu chuno’ob u yáax k’iinil xook 2024-2025.
Tu primariail España, p’aatal tu puksi’ik’al Centro Histórico tu noj kaajil Ciudad de México, paalal láak’inta’an tumen u taatatsilo’obe’ tu páa’tajo’ob ka je’ebek u joolnajil najil xook.
Ma’ náach te’elo’, ti’ uláak’ baantae’ ti’ le noj kaajo’, Santa María La Ribera, kex 200 xoknáalo’obe’ tu káajsajo’ob u k’aayil onorées, tu najil xook Secundaria “José Vasconcelos”, ba’ale’ tak tuláak’ semana kéen k’a’amak u áanalte’il xook, Libros de Texto Gratuitos (LTG), tumen le paalalo’obo’. Aaróne’ wakp’éel u ja’abil, k’uch tu joolnajil kúuchil xook.
En español: Regresan hoy a las aulas 24.4 millones de alumnos de educación básica en México
Wakp’éel ja’ab kun kaambal te’elo’. U chéen takmaj u chak nook’ yéetel u kuchmaj u túumben k’an mochila. Óol chi’ichnak tumen nuka’aj u k’ajóolt u yéet xooko’ob. Ichil tuláakal u noj lu’umil Méxicoe’, yanchaj kex 24.4 miyoonesil xoknáalo’ob educación básica.
Tu paache’ yanchaj 1.2 miyoonesil ajka’ambesajo’ob yéetel aj-jo’olbesaj najil xook. Le 26 ti’ agosto máanika’ je’eb u joolnajil maanal 228 mil najilo’ob xook, públicas yéetel privadas.
U ja’abil 2024-2025, u ts’ook chúunsa’ab tumen jala’ach Andrés Manuel Manuel López Obrador, máax kun ts’o’okol u meyaj tu k’iinil 30 ti’ septiembre. Beyxan u ka’ap’éel ja’abil xook táan u meyajta’al tuka’atéen xook yéetel k’eexilo’ob beeta’ab ti’ le kaambalo’.
Xak'alutskíinsa'an tumen: Sasil Sánchez Chan
