Tu kaajil Maní yaan jo’otúul familias táan u múul meyajo’ob ti’al u péektsikta’al u k’a’abéetkunsa’al soolar, ikil u k’a’ajsa’al u k’a’ananil u yúuchul paak’áal, u tséenta’al aalak’o’ob yéetel u tséenta’al tak u yik’elo’ob kaab.
Pachpakal: Solar Maya Maní, jump’éel nu’ukbesaj ts’o’ok u máan wakp’éel ja’abo’ob káajak u meyaj. U nooyile’ tumen ka’ach úuche’ u beetik u soolar máake’ jach k’a’anan tumen beey u yantal utsil ba’al ti’al jaabtbil yéetel no’oja’an, ts’o’okole’ lelo’ láayli’ xan ku ts’áak u páajtalil u chan yantal kex jump’íit u náajalil.
En español: Solar Maya Maní, un proyecto para rescatar el uso del traspatio en Yucatán
Walkila’, máaxo’ob ku meyaj Solar Maya Maní, ku ts’áako’ob u páajtalil u xíimbalkúunsa’al máak te’el soolaro’ ti’al u yila’al bixij.
“Kéen xíimbalta’ake’ ku páajtal u k’ajóolta’al bixij, ba’ax paak’áalilo’ob yaan, ba’ax che’ilo’ob ku yichankil, xíiwo’ob ku ts’aakankil, aalak’o’ob je’el bix kaaxo’ob, k’éek’eno’ob, ichil uláak’o’ob” tu ya’alaj José de la Cruz, máax táaka’an te’el meyajo’.
U tojol u yokol máake’ 30 pesos yéetel k’a’abéet u yáax beeta’al citai’. Ku béeytal u k’áata’al ti Facebook wa tu númeroil 9971287200.
Xak'alutskíinsa'an tumen: Sasil Sánchez Chan
