Le miércoles máanika’, yanchaj kex 51 máako’ob jkíim yéetel uláak’ kex 223 úuch loob ti’ob tumen yanchaj jejeláas ba’alo’ob wak’a’ab tumen Israel tu noojolil yéetel tu lak’inil Líbano; lela’ u yóoxp’éel k’iinil ma’ xóot’ok u ts’o’ots’onal le kaajo’.
Chéen te’el k’iino’oba’, tu’ux ma’ xóot’ok u pu’ulul ba’al yóok’ol u lak’inil Valle de la Bekaa, u ya’abile’ Baalbek yéetel Hermel, tumen tak walkila’ ts’o’ok u kíimil maanal chúumuk ti’ 100 máako’ob, yéetel yaan kex 223 u túul máax ti’ ucha’an loob, beey k’a’aytab tumen u ministro libanesil Salud Pública, Firas Abiad.
En español: Al menos 51 muertos y 223 heridos por bombardeos israelíes este miércoles contra el Líbano
Ichil ba’ax jets’a’ab ti’al u máansa’al le k’iino’obo’, ku meyajta’al sáansamal jump’éel u tsolts’íibil le kúuchilo’ob yaan ti’al u k’a’amal máaxo’ob ts’o’ok u yantal u jóok’olo’ob tu taanajo’ob yéetel wa yaan ba’ax loobilaj ucha’an ti’ob ichil tuláakal le noj lu’umo’.
Ichil ba’ax a’alab tumen Abaid, ts’o’ok u je’ebel u ti’al le je’ela’, kex 310 u p’éel kúuchilo’ob ts’akyaj, maanal 20 ti’ le je’elo’obo’ te’e noojolo’, yéetel ma’ táan u xáantale’ ku páa’ta’al u yantal uláak’o’ob, ts’o’okole’ yaan xan u yila’al ka yanak a jujump’éelil ti’ le áalbergueso’ ti’al xan u ts’aatáanta’al máak te’elo’.
Edición Ana Ordaz
