U jala’achil u noj lu’umil Rusia, Vladímir Putin, tu jets’aj le martes máanika’, tu p’íitkunsaj le jejeláas ba’axo’ob ti’al le ku béeytal u k’a’abéetkunsa’al nuklear aarmáas tumen Rusia, tu jo’oloj u jala’achil Estados Unidose’, Joe Biden, tu cha’aj ti’ Ucrania u ts’onik ba’al wa ti’ yaan ichil rusoil lu’um, ba’ale’ yéetel u yáantajil ts’oono’ob ku maas náachtal u ts’oon, ts’o’oke’ ts’a’aban tumen Estados Unidos.
Túumben ba’ax jets’a’abe’ míin ku béeytal u na’ata’al beey nuclear núuktajil ku beeta’al tumen Moscú, ts’o’oke’ míin tak yóok’olal je’el ba’axak loobilaj ka beeta’ak yóok’ol Rusia tumen je’el ba’axak noj lu’umil táakmuk’ta’an tumen nuclear potencia.
U Ministerioil Defensa de Rusia tu ya’alaj Ucraniae’ tu ts’onaj le martes máanika’, wakp’éel u misililo’ob ATACMS, ku beeta’al Estados Unidos. Ts’oone’ beeta’ab yóok’ol jump’éel militar kúuchil yaan tu baantail Bryansk, jáal yanik yéetel Ucrania.
Ts’o’oke’ defensas ts’a’abal xik’nale’, tu lúubsajo’ob jo’op’éel ti’ le ts’oono’ob je’elo’, ka’aj tu k’askúunsajo’ob uláak’ jump’éel maas. Ucranail ejércitoe’ tu jets’aj ts’oon beeta’abe’ k’uch tak jump’éel kúuchil tu’ux ts’a’abal rusoil municiono’ob.
Beey túuno’, yóok’olal doctrina jets’a’abe’ táan u páa’ta’al ka núuka’ak yéetel nuclear ba’al tumen Rusia, ba’ale’ tu beel jets’a’anil ti’al ma’ u yantal u k’áalal u beetl Putin ti’al u jeel ba’alo’ob.
Lee, en español: Putin firma doctrina que facilita uso de armas nucleares tras ataque de Ucrania
Xak'alutskíinsa'an tumen: Sasil Sánchez Chan
