Vaticanoe’ tu ts’áaj k’ajóoltbile’ papa Franciscoe’ jkíim úuchik u ts’áak ti’ jump’éel derrame cerebral, le beetik ook en comai’ ka’aj túun je’el u puksi’ik’al. Beey úuchik u je’ets’el tumen Andrea Arcangeli, máax jo’olbesik u kúuchil Dirección de Sanidad e Higiene del Estado ti’ u noj kaajil Ciudad del Vaticano, ti’ tsool ts’íib tu’ux j-je’ets’ yéetel jts’a’ab k’ajóoltbil tumen Oficina de Prensa de la Santa Sede, úuchik u kíimil Jk’iin.
Ts’íib jóok’sa’ab tumen jts’ak yaje’ ku ya’alik Papae’ ts’o’okili’ u yáax e’esik k’as talam u ch’a’ak u yiik’ úuchik u tsa’ayal ti’ neumonía multimicrobiana, jejeláas ronquiectasias múltiples, hipertensión yéetel diabetes de tipo II.
En español: Muere el papa Francisco, primer latinoamericano que lideró la Iglesia católica
U kíimil yuum Jk’iine’ jets’a’ab úuchik u beeta’al jump’éel electrocardiograma tanatológico. “Kin jets’ik -tu ts’íibtaj Arcangeli- yóok’olal ba’ax in wojel yéetel ba’ax kin na’atike’, jkíim yóok’olal le ba’ax ku ya’alal te’el ka’analo’”. Papa Franciscoe’ tu p’ataj tu testamentoe’, ka mu’ukuk ti’ tumba sencilla tu kúuchil Basílica tu najil Santa María la Mayor.
Xak'alutskíinsa'an tumen: Sasil Sánchez Chan
