U Registraduría Nacionalil Estado Civil de Colombia tu jets’aj le lunes máanika’, u béeytal u certificarta’al u síijil chaambal tu lu’umil tu’ux yaan jaytúul xk’am paalo’ob yéetel máasewal jala’acho’ob, le je’ela’ jump’éel k’a’anan ba’al ti’al u yantal legal ju’uno’ob je’ex le ku ts’áak registro civil.
Ti’ k’a’aytajil ts’íibe’, tsola’ab le ba’ax jets’a’abo’ táan u kaxtik “u ts’aatáantik ba’ax k’a’abéet ti’ le kaajo’obo’, ti’al ka yanak bix u certificarta’al kuxtal ku yanta te’elo’, yéetel ti’al u tse’elel ba’ax k’atik u beel máak ti’al u ts’íibta’al u k’aaba’ paalal tu táan registro civil”.
“Beey túuno’, táan u chíimpolta’al u páajtalil le kaajo’obo’, ti’al ka yanak u serviciosil le lu’um ti’obo’”, tu ya’alaj máax jo’olbesik Registro Civil, ts’áak u páajtalil u certificarta’al paalal ku síijil ti’ jayp’éel u kaajilo’ob Nariño, tu costail Pacífico, beyxan ti’ máasewal jala’acho’ob ti’ kaajo’ob táakano’ob Consejo Indígena María Cristina Manzano.
En español: Colombia autoriza a parteras e indígenas de algunas zonas rurales a certificar nacimientos
Tu noj lu’umil Colombiae’, xk’ampaalale’ ko’olel suuka’an u k’amik u chaambal yéetel ku yáantik yo’om ko’olel ti’ mejen, máasewal yéetel afrocolombianoil kaajo’ob, tu’ux ma’ uts k’ucha’anil u mola’ayilo’ob toj óolal.
Úuchben meyaj le u kanmajo’obo’. Yéetel ba’ax jets’a’abe’, Registraduría Nacional táan u Territorio Mirití Amazonas. Páajtalile’ ku k’uchul yiknal máasewal máako’ob ti’ u múuch’kabil Organización Indígena Wiwa Golkushe Tayrona, ti’ u caribeil kaajo’ob Magdalena yéetel La Guajira.
Xak'alutskíinsa'an tumen: Sasil Sánchez Chan
