Francial justiciae’ tu jets’aj u yantal u k’a’alal 18 winalo’ob jbeet cha’an Gérard Depardieu tumen tu sexual loobiltaj ka’atúul ko’olel ka’alikil táan u táabsik cha’an tu ja’abil 2021; le je’ela’ j-úuch ti’ yáax k’iinilo’ob péeksajil tu k’aaba’intaj #MeToo.
Tak pool beeta’ab yóok’olal sexual loobilaje’, tu tíitaj u industriail cine ku beeta’al tu lu’umil Francia, ts’o’oke’ si’ipil jets’a’ab yóok’ol Depardieu ku núupul yéetel bix káajik u yáax múuch’ilo’ob máaxo’ob meyajtik cha’an: Festival de Cine de Cannes.
Tribunal correccional ti’ u lu’umil Paríse’ tu beetaj ba’ax k’áata’ab ti’ tumen fiscalía, le beetik tu jets’aj u si’ipil Depardieu, máax 76 u ja’abil, ti’al ka yanak u k’a’alal 18 winalo’ob, yéetel ka’ap’éel ja’ab ma’ táan u béeytal u yéeya’al ti’al meyaj ti’ público meyajo’ob, ts’o’okole’ túuxta’ab ts’íibtbil u k’aaba’ ichil u tsoolil máaxo’ob beetik sexual loobilajo’ob.
En español: El actor Gérard Depardieu es condenado a 18 meses de prisión por agresiones sexuales
Depardieue’ u beetmaj maanal 200 u p’éel cha’ano’ob yéetel series, ts’o’oke’ leti’e’ mantats’ u ya’almaj mina’an u si’ipil.
A’alabe’, si’ipil xak’alta’abe’, j-úuch tu ja’abil 2021 ka’alikil táan u táabsa’al u cha’anil Les Volets Verts jo’olbesa’ab tumen Jean Becker. Te’el k’inako’obe’, Amélie, juntúul decoradora 54 u ja’abil yéetel Sarah (báalan k’aaba’), juntúul u x-áantajil dirección 34 u ja’abile’, tu tako’ob u pool tumen tu beetaj k’aas, yanchaj acoso yéetel sexual loobilaj.
Xak'alutskíinsa'an tumen: Sasil Sánchez Chan
