Tu kaajil Cantamayec, Yucatán, jts’a’ab k’ajóoltbil u áanalte’il In kaajal, Antología de Narrativas, u molts’íib paalal táakpaj ti’ kaambal ts’íib tu jo’oloj ka’ap’éel ja’abo’ob meyaj. Lela’ beeta’ab tumen u múuch’kabil Educación, Cultura y Ecología.
Te’el súutukil úuchik u ts’a’abal k’ajóoltbil áanaltee’, táakpaj paalal yéetel u taataob, beyxan ajka’ansajo’ob, tu’ux tu tsikbalto’ob bix úuchik u yilko’ob le meyajo’ yéetel tu’ux xan chíimpolta’ab u jejeláasil tuukul yéetel t’aan yanchaji. ts’aatáanta’al talamilo’ob. Yaan k’iine’, nojoch máako’one’ ktukultik paalale’ mixba’al yaan u ya’alej, ba’ale’ ma’ jaaji’.
También te puede interesar: Presentan libro 'En mi comunidad', antología elaborada por niños de Cantamayec, Yucatán
Yéetel le tsikbalo’oba’ k-ilike’ ya’abach ba’al ku béeykunsiko’ob”, tu ya’alaj. Tu súutukil úuchik u t’aan Mauro Mex Uxul, u jka’ansajil Telebachillerato Comunitario ti’ u kaajil Mayapán, tu ch’a’achibtaj kaambal yéetel ts’íibo’ob beetchaje’ “u ye’esajil láayli’ u béeytal u tse’elel paalal ti’ u k’a’abéetil aplicaciones yaan te’el celularo’obo’”. Guadalupe del Rocío Moo Cauich, u xka’ansajil educación indígena ti’ u xookil primaria tu kaajil Tahdziú, tu ki’imak óoltaj paalal tumen tu ye’esajo’ob “je’el u béeytal u náachtal u tuukul paalal, tu’ux uts u bin u Tu k’aaba’ EDUCE A.C., Paloma Cituk tu tsolaj kaambal beeta’abe’, táaka’an ichil meyaj ku beetik múuch’kabil ti’al u péektsiltik uláak’ kúuchilo’ob ti’al kaambal nu’uka’an ti’al paalal yéetel táankelemo’ob te’el baantao’.
U kaambalil t’síibe’, yanchaj úuchik u táakpajal junmúuch’ táankelemo’ob ti’ jump’éel meyaj tu’ux beeta’ab títeres yéetel marionetas. Nancy Chan Poot, máax meyajt taller tu kaajil Cantamayec, tu ya’alaj “u yóol tallere’ yanchaj tumen paalale’ káaj u náachkunsik u tuukul úuchik uyantal títeres tu k’abo’ob, káaj u tsikbaltiko’ob ba’al u ti’alo’ob”.
U áanalte’il In kaajal, Antología de Narrativas de Infancias de Cantamayec y Mayapán jump’éel meyaj ku chíikbesik u kuxtal yéetel u paalil le kaajo’obo’. U chíikul u tuukul maaya paalal.
Xak'alutskíinsa'an tumen: Sasil Sánchez Chan
