U científicosil Consejo Nacional de Investigaciones Científicas y Técnicas (Conicet), noj mola’ay ku meyaj ti’al ti’al u péektsilta’al ciencia yéetel tecnología tu noj lu’umil Argentina, tu beetaj le domingo máanika’, u ts’ook transmisión táaka’an ich u meyajil ‘Talud Continental IV’, meyaj beeta’ab desde tu taamil u ja’il Cañón de Mar del Plata. Ba’ax e’esa’abe’ cha’anta’ab tumen maanal 70 mil máako’ob cha’antik en vivo.
Cha’ane’ máansa’ab YouTube. Tu jo’oloj óoli’ óoxp’éel semanase’ e’esa’ab tu jach súutukile’ u jejeláasil ba’alche’ob yéetel xíiwo’ob kuxa’an kex 4 mil metros taamil ich ja’, tu much’aj maanal 70 mil máak tu ts’ook transmisión.
También te puede interesar: Científicos argentinos despiden streaming del fondo del mar con más de 70 mil espectadores
En vivo beeta’abe’, káaj tu sáasbal le domingo máanika’ yéetel xot’a’ab tak láas 16:00 tu yoorial xooko’obe’ tu ts’íibtajo’ob te’el taamilo’: ‘Níib óolal yóok’olal a le lu’umo’ (19:00 GMT), ajxak’al xooko’obe’ tu jach ki’imak óolto’ob úuchik u láak’inta’alo’ob tumen máaxo’ob cha’antej.
“Ki’imak k–óol tumen méek’a’ano’on tumen Universidad Pública yéetel CONICET”, tu ya’alo’ob ka’alikil yano’ob tu cheemil Falkor (too), ba’ale’ beyxan u submarino robot ROV SuBastiane’ táan u máan ka’ach tu taamil le ja’o’.
Ti’ ts’ook cha’ane’ ajxak’al xooko’obe’ tu ts’íibtajo’ob te’el taamilo’: ‘Níib óolal yóok’olal a áak’inaje’ex’, tumen cha’ane’ jump’éel ti’ le en vivos jach ki’ cha’antabik tumen argentinoilo’ob, beyxan tumen uláak’ táanxel kajil máako’ob.
Yáax cha’ane’ beeta’ab tu k’iinil 23 ti’ julio, yéetele’ xak’alta’ab u jejeláasil bentónica kuxtal, u basurail k’áak’náab, ADN ambiental yéetel u dinámicail sedimentos, ichil uláak’ ba’alo’ob.
Xak'alutskíinsa'an tumen: Sasil Sánchez Chan
