de

del

Foto: Twitter @MauVila

Ma’ili’ káajak u tse’ek u jala’achil u lu’umil Yucatán, Mauricio Vila Dosal, ti’al u tsolik ba’axo’ob meyajil ts’o’ok u beetik tu k’iinil u meyajil ichil u ja’abil 2020e’, t’aanaj máax beetik Secretaria General de Gobierno, María Fritz Sierra, ti’al u k’ubik ts’íibil ju’un yáax juntéen laj suta’an ich maayat’aan, ti’ u kúuchil Congreso del Estado. 

Jala’ach Mauricio Vila Dosal, u ka’apuul úuchik u tse’ek ti’al u tsolik ba’axo’ob meyajo’ob ts’o’ok u beetik tu ka’ap’éel ja’abil táan u beetik u jala’achil, ba’ale’ yáax juntéen úuchik u laj su’utul u ts’íibil ich maayat’aan, tumen ka’ache’ chéen u kóom ts’íibil ku k’u’ubuli’.

Ka tu chukaj óoli’ laas 10 ja’atskab k’iine’, Fritz Sierra yéetel máax beetik u kóonsejeroil Jurídicoil Estadoe’, Mauricio Tappan Silveirae’, tu k’ubajo’ob u chuuka’anil ts’íib meyajo’ob beetchaj ka’alikil táan u yáalkab u ja’abil 2020.  

Ts’íibe’ jk’a’am tumen máax jo’olbesik Mesa Directiva, Janice Escobedo Salazar, ts’o’okole’ je’el xan u páajtal u xokik máak ti’ u kúuchil http://yucatan.gob.mx/segundoinforme.

Fritz Sierrae’ tu ts’áaj k’ajóoltbile’ maanal ti’ 800 u wáalal le ts’íib k’u’ubo’, ts’o’okole’ kan jaats jóok’sa’an ti’. Te’elo’, ts’íibta’an ba’ax meyajilo’ob beeta’ani’ yéetel ba’ax le jach ma’alob úuchik u jóok’olo’obo’.

 

También te puede interesar: Legisladores esperan el informe de Vila para analizarlo

 

Beey túuno’, te’elo’ láayli’ u núuka’al kex 130 u p’éel k’áatchi’ beeta’ab tumen yukatekoil  léejiladooro’ob. 

Xak'alutskíinsa'an tumen: Sasil Sánchez Chan