Le 4 ti’ julio máanika’, k’a’ayta’ab ichil u kúuchil Facebook, jump’éel túumben múul meyaj yaan u beeta’al tumen Alianza Peninsular para el Turismo Comunitario (APTC), tu’ux yaan u yila’al u mu’uk’ankúunsa’al meyaj ku beeta’al ti’al u k’a’amal aj xíinximbal máako’ob ti’ mejen kaajo’ob, ikil u yúuchul múul meyaj tumen 24 u p’éel mola’ayo’ob, tu’ux ku yantal tak 230 u túul máako’ob sijnáalo’ob ti’ u mejen kaajilo’ob u Péetlu’umil Yucatán.
Ichil túun APTCe’ táakbesa’an u ajmeyajilo’ob xíinximbal wa turismo nuup’ulo’ob ti’ u yóoxp’éel nu’uj lu’umilo’ob le petena’: Campeche, Yucatán yéetel Quintana Roo.
Te’e ja’aba’, 2020, táan u yúuchul jela’an ba’alo’ob yóok’lal pandemia táan u máan yóok’ol kaab, APTC tu ya’alaje’ u meyajil u k’a’amal ajxíinximbal máako’obe’ k’a’anan u ts’aatáantik ka béeyak u náats’al máak ti’ k’áax, ti’ kuxtal ku yantal te’elo’ yéetel xan ti’ miatsil, le beetik tu jets’ajo’ob unaj u múul meyajo’ob ti’al u ch’a’anuktiko’ob bix unaj u beetiko’ob.
Beey túuno‘, tu kúuchil Internet: viajaturismocomunitario.com, ku páajtal u xak’alta’al jejeláas kúuchilo’ob yéetel ba’alo’ob ku yutstal u xíimbalta’al; ts’o’okole’ le ken je’ets’ek u xíimbalta’al jump’éel ti’ tuláakal kúuchilo’ob táakbesa’ane’ ku yáanta’al kaaj ku jóok’sik ba’al u jaant ti’ meyaj ku beetik ken xíimbalta’ako’ob.
La mujer fue hospitalizada el jueves ''junto con su pareja, quien también presenta síntomas leves''
Afp
Recabarán firmas para procesar a la gobernadora Maru Campos
La Jornada
El brote ''no cumple con los criterios'' para ser calificado como una pandemia, señala la organización
Afp
La empresa de Elon Musk buscaría recaudar 75 mil mdd en lo que podría convertirse en la mayor OPI de la historia
Reuters
