Tumen u jala’achil Yucatáne’, Mauricio Vila Dosal, tu péeksaj ba’al, yéetel tumen ma’alob u biinsikubáaj yéetel u jala’achil u noj lu’umil Méxicoe’, tu béeykunsaj u béeytal u ts’a’abal u kúuchil je’elel Tren Maya kéen kóojok Estadio Sostenible de Yucatán (ESY).
Kúuchile’ ti’ kun j ts’a’abil tu xamanil Jo’; tu tséel tu’ux kun yantal ESY. Ts’o’okole’ jump’éel ba’ax jach k’a’anan u yila’ale’ leti’ u k’áata’al Tren Maya te’elo’, ba’ale’ tu’ux ma’ u beetik u jelpajal bix u máan kis buutso’obi’, le beetike’ yaan u yilik ka beeta’ak u beel yáanal lu’um.
“Yaan u yantal u beel yáanal lu’um, je’el bix ti’ noj lu’umo’ob yaan te’e náachilo’. Noj meyaj le ku taalo’ ti’al máax ti’ k’ube’entaj ka u beetej, ba’ale’ ku ya’aliko’obe’ je’el u tsa’ayal u beetiko’ob”, tu jets’aj Vila Dosal.
También te puede interesar: Estadio Sostenible de Yucatán contará con estación de Tren Maya: Vila Dosal
Meyajo’obe’ yaan u káajal tu chúumukil u winalil enero; ts’o’okole’ ti’al u béeytal u beeta’al bej yáanal lu’ume’ yaan u k’a’abéetkunsa’al óoxp’éel u tóoneladasil wáak’al ba’al. Jala’ache’ tu ki’imak óoltaj ma’ táan u yantal u k’a’alla bejo’ob tu yóok’lal.
K’áata’ab ka yanak tu’ux u je’elel Tren Maya tu noj kaajil Jo’ -je’el bix le kun ts’a’abil Hacienda Teyatumen k’a’abéet u yila’al bix u mu’uk’ankúuna’al náajal te’e noj lu’uma’.
ESYe’, tu ya’alaj, yaan u kaxtik u kóolik máak ti’al u xíimbalta’al le lu’uma’; ts’o’okole’ jach ma’alob ka yanak tu’ux u je’elel Tsíimin K’áak’ te’elo’, tumen yaan páajtal u cha’anta’al keetilo’ob báaxal wa tak kóonsierto’ob.
Beyxan, yóok’lal ba’ax yaan u ya’al u kajnáalilo’ob Sodzil Norte yéetel Cordemex, Mauricio Vila tu ya’alaje’, ts’o’ok u káajal u tsikbal yéetelo’ob, ti’al u ma’anal u k’áaxo’ob, ba’ale’ u tojol kun bo’otale’ maanal ti’ le unajo’; ts’o’okole’ tu paachil k’iine’, yaan u beete’al uláak’ najo’ob, yéetel kúuchilto’ob je’el bix otelo’ob yéetel plaasas.
Te' k'iin tu'ux yaan jejeláas t'aano'obe' mix ba'al ku páajtal u yoksajóolta'al, tumen Santos Inocentese' yaan u laj k'echiko'ob ba'al. Le ba'ax ka xokika' ma' jaaji', chéen báaxal ti'al u náayal a wóol
-Dimite Joe Biden; Kamala Harris, primera mujer presidente de EU
-Tren Maya será subterráneo en tramo costero de QRoo
-Elon Musk y el gobierno de la 4T trabajarán juntos
-Estadio Sostenible de Yucatán contará con estación de Tren Maya: Vila Dosal
-Compradores estafados: les prometieron que cada lote incluiría un cenote
-Campeche prohíbe uso de chanclas a motociclistas; regalará traje especial
-Pemex licitará micro contratos de mantenimiento en 2022 en Carmen
-Del asesinato de niños a bromas, origen del Día de los Santos Inocentes
-K’e’ex u beel Tren Maya ti’al ka máanak yáanal lu’um; yaan u páajtal u cha’anta’al ts’o’ono’oto’ob
-Máaxo’ob manik k’aaxo’obe’ ku tu’usulo’ob: a’alab ti’obe’ yaan u ts’o’onotil
