Tumen yanchaj talamilo’ob ti’ le lu’um tu’ux tukulta’an u beeta’al u bejil Tren Maya, ti’ jun t’o’ol yaan tu jáal ja’il Quintana Roo, u mola’ayil Fondo Nacional de Fomento al Turismo (Fonatur) tu jets’aje’ yaan u beetik k’eexilo’ob ti’al ka máanak yáanal lu’um, ti’al beyo’ u páajtal u k’a’abéetkunsik áakto’ob yaan te’e baantao’. Yaan tu’uxe’ yaan tak u páajtal u cha’antal tak tuláakal le ts’onoto’ob yaan te’e k’áaxo’obo’.
Ichil u jaatsil 5 mantats’ beeta’an k’eexilo’obi’, tumen yaan ya’abach máako’ob k’áatik beyo’, ti’al u no’ojanchajal bix u k’a’abéetkunsa’al lu’um ti’al le meyajo’obo’, wa tumen beey k’áata’ab tumen u yuumil u mola’ayilo’ob Riviera Maya.
También te puede interesar: Tren Maya será subterráneo en tramo costero de QRoo
Ti’ k’a’aytajil tsikbal beeta’ab tumen u mola’ayil u noj lu’umil Méxicoe’, a’alab u túumben bejil Trene’ yaan u máan tu tséelil u noj bejil Cancún-Tulum, chéen ba’axe’ yáanal lu’um, óoli’ je’el bix yanik u beel meetróo, ti’al túun beyo’ u k’a’abéetkunsa’al tu beel ba’axo’ob seen yaan te’elo’, je’el bix áaktuno’ob. Le beetike’ ts’o’ok xan u káajal u beeta’al xaak’alo’ob te’e k’áaxo’.
Tu beelil u bine’, yaan tu’ux yaan u páajtal u yila’al ts’ono’oto’ob. U éetsasyonesile’ yaan u jats’utskíinsa’al yéetel ba’ax suuk u yiila’al te’e baantao’, ts’o’okole’ yaan xan u yantal u eebilo’ob yéetel u éelebadorilo’ob ti’al u yokol máaki’. Yaan u ts’a’abal tu méek’tankaajilo’ob Puerto Morelos, Playa del Carmen yéetel Tulum. Ku tukulta’ale’ yaan u láaj ts’o’okoll meyajo’ob ti’al u káajbal u ja’abil 2024.
Ka’alikil u beeta’al meyajo’obe’ yaan u yila’al ma’ u jelbesa’al mix jump’íit le noj bejo’, tumen sáansamal te’elo’, ku máan ya’abach kiis buutso’obi’. Kex beyo’ mola’aye’ tu ya’alaje’ k’a’anan u yilik máak bix kun úuchul ba’al ti’al u chúukpajal u súutukil u bin wa tu’ux kéen máanak te’elo’.
Te' k'iin tu'ux yaan jejeláas t'aano'obe' mix ba'al ku páajtal u yoksajóolta'al, tumen Santos Inocentese' yaan u laj k'echiko'ob ba'al. Le ba'ax ka xokika' ma' jaaji', chéen báaxal ti'al u náayal a wóol
-Dimite Joe Biden; Kamala Harris, primera mujer presidente de EU
-Tren Maya será subterráneo en tramo costero de QRoo
-Elon Musk y el gobierno de la 4T trabajarán juntos
-Estadio Sostenible de Yucatán contará con estación de Tren Maya: Vila Dosal
-Compradores estafados: les prometieron que cada lote incluiría un cenote
-Campeche prohíbe uso de chanclas a motociclistas; regalará traje especial
-Pemex licitará micro contratos de mantenimiento en 2022 en Carmen
-Del asesinato de niños a bromas, origen del Día de los Santos Inocentes
-Máaxo’ob manik k’aaxo’obe’ ku tu’usulo’ob: a’alab ti’obe’ yaan u ts’o’onotil
