Túumben k’iin ti’al jenoomikáa: Béeychaj u núup’sa’al u chuuka’an króomosoomáail X wíinik

Te’e k’iino’oba’, u ajxaak’alilo’ob Instituto Nacional de Investigación del Genoma Humano (Nhgri) yéetel jun jaats t||i’ Institutos Nacionales de Salud de Estados Unidos, tu beetajo’ob jump’éel noj meyaj ti’al u páatchaj u jóok’sa’al u jach chuuka’anil, xma’ xoot’olil yéetel utsil króomosoomáa ti’ wíinik. beey úuchik ts’a’abal k’ajóoltbil tu pik’il ju’unil Nature.

Nojba’al le je’ela’ tumen yéetele’ yaan u páajtal u beeta’al uláak’ xaak’alo’ob yaan u yil yéetel gonómica, ti’al beyo’ u páajtal u na’atal uláak’ ba’alo’ob yóok’lal k’ojaano’ob beyxan yóok’lal trasnstoornos yaan ba’al u yil yéetel bix u k’expajal cromosoma X.

Yéetel ba’ax kaxta’abe’, ku páajtal u beeta’al jump’éel chuka’an seekunesia, ti’al beyo’ u chukbesa’al xan jump’éel u genomail máak. Le beetike’, túumben xak’alo’ob kun béeytal u beeta’al yéetel.

Máax jo’olbesik Nhgrie’, Eric Green, tu ya’alaje’ “u páajtalil u beeta’al jump’éel u chuka’an sekuensiail króomosoomáa yéetel jenomaae’ k’a’anan meyaj yaan u yáantaj ti’al u jach na’atal bix u meyaj le je’ela’, beyxan ti’al u ts’a’abal k’ajóoltbil bix u meyaj ti’al u páajtal u jóok’sa’al u ts’aakil”.

Edición: Ana Ordaz