Ichil tse’ek suuk u beeta’al lalaj ja’atskab k’iine’, le lunes máaniko’, t’aanaj máax jo’olbesik Procuraduría Federal del Consumidor (Profeco), Ricardo Sheffield Padilla, ti’al u ts’áak k’ajóoltbil bajux u tojoltik u jach p’íitiil ba’alo’ob k’a’abéet ti’al u kuxtal máak, tu’ux jóok’sa’ab kanjaats ti’ tuláakal u noj lu’umil México.
U mola’ayil Profecoe’ ku máan u xak’alt u jach p’íitil yéetel u jach ko’ojil 20 u p’éel ba’alo’ob jach táaj k’a’abéet ti’al u kuxtal máak, tumen ya’ab u k’a’abéetkunsa’al tumen mexikanoilo’ob ti’al beyo’, u je’ets’el bajux unaj u tojoltik; beyxan ku ch’a’ak ti’al u beetik u xaak’ale’, ba’ax janabe’enba’alob jetsa’a’an k’a’abéet tumen Coneval.
También te puede interesar: Tabasco con los precios más altos y los más bajos de la canasta básica en el sureste
Janabe’enbalo’ob táakbesa’ab ti’al u beeta’al xaak’al tumen Profecoe’ leti’e’ le je’elo’oba’: Aceite, arroz, azúcar, u bikstekil wakax, cebolla, serrano iik, u bak’el k’éek’en, bu’ul en grano, je’, jabón, saladet p’aak, limón, manzana, melón, pan, higiénico ju’un, u pastail sopa, juntúul kaax, u waajil ixi’im yéetel zanahoria.
Ichil u péetlu’umilo’ob Kaanpech, Chiapas, Guerrero, Oaxaca, Quintana Roo, Tabasco, Veracruz yéetel Yucatáne’, tu kúuchil koonol Mega Sorianae’, tu k’íiwikil Tabascoe’, ku kaxta’al u asab ko’ojil wa ku ma’anal tuláakal la janabe’enba’alobo’, tumen tuláakale’ ku tojoltik 983 pesos; ka’alikil tu kúuchil Soriana Express, tu noj kaajil Kaanpeche’, ku tojoltik 963 yéetel 45 séentabos.
Le ma’ jach ko’ojtako’obo’, leti’e’ yaan Central de Abastos ti’ u noj kaajil Villahermosa Tabasco tumen ku tojoltik 812 pesos yéetel 79 séentabos; yéetel uláak’e’ leti’e’ yaan Soriana Hiper tu K’íiwikil Tabasco tu’ux ku tojoltik 914 pesos yéetel 15 séentabos.
También te puede interesar:
-62 mil campechanos beneficiados con el aumento al salario mínimo
-En Quintana Roo nadie gana el salario mínimo: STyPS
-QRoo, el estado que más patrones afilió al IMSS en diciembre de 2021
-Propinas, salvación de muchos trabajadores en QRoo
-Incremento al salario mínimo ayuda para combatir la informalidad: Canaco
-Quitarle IVA a productos menstruales es disminuir brecha de género y mitos
Xak'alutskíinsa'an tumen: Sasil Sánchez Chan
