Especial: Vuelta a clases presenciales, entre la urgencia y el caos
Máax jo’olbesik Secretaría de Educación en Quintana Roo (SEQ), Ana Isabel Vásquez Jiménez, tu ya’alaje’ u yantal u péek máak ti’al u bin kajtal táanxel tu’uxe’ tu beetaj u yéemil u xookil jaytúul paalal ku kaambal ka’alikil táan u ja’abil xook le ja’ab máaniko’; le beetike’, ikil ma’ náach k’iin u káajal xooke’, SEQ tu ya’alaje’ ch’éen u xo’okol kex ichil 3 mil yéetel 4 mil xoknáalo’ob.
Vázquez Jiméneze’ ku alab óoltik u yantal uláak’ xoknáalo’ob kéen káajak xook ichil educacion básica, le beetik táan u páa’tal u chan ya’abchajako’ob ichil u sistemail kaambal.
Tu k’a’ajsaje’ ichil tuláakal u noj lu’umil Méxicoe’, chéen tu péetlu’umil Quintana Roo “ma’ tu ch’éenel u k’a’amal paalal ti’al u ts’íibta’al u k’aaba’ob xook”, tumen mantats’ u yantal u bin máako’ob kajtal táanxel tu’ux, le beetik ku yantal u beeta’al beyo’.
U yantal u bin kajtal máak táaxel tu’ux tumen u baatsilo’ob Quintana Rooe’ tu beetaj u yéemel le jaytúul paalal yachajij, le beetik walkila’ chan ch’eenel u xookil paalal ts’íbta’an u k’aaba’ te’e najilo’ob xooko’. Ba’ale’ kex beyo’, ku ka’a yantal xoknáalo’ob tumen kéen káajak xook tuka’atéen.
También te puede interesar: Migración provocó disminución de la matrícula escolar en QRoo
Uláak’ ba’ax tsola’ab tumen Vásquez Jiméneze’, leti’ najilo’ob xooko’, tumen ichil le maanal mil 500 u p’éel yaan te’e péetlu’umo’, yaan kex 350 tu’ux ma’ chuka’an ba’al ti’al u jeel káajal xo’ok te’e ja’aba’, tumen okolta’ab wa k’askúunta’abo’ob.
“Ku yaatal k óol ba’ax ku yúuchul, maanal mil 500 najilo’ob xook yaan, ba’ale’ ma’ xan táan u páajtal u yantal juntúul máax ku kaláantik lalaj jump’éeli’, kex áantabo’on tumen Seguridad Pública, ma’ táan u béeytali’, le beetike’ ti’ 350 u p’éel najilo’ob xooke’ ma’ táan u páajtal u suut paalal kaambal tumen mina’an sáasil, ja’, mix jump’éel ti’ le je’elo’oba’ wa k’askúunta’abo’ob”, tu ya’alaj.
Yóok’lal bix yanik le najilo’ob xooka’, yaan u k’a’abéetchajal ti’ SEQ ichil ka’ap’éel wa óoxp’éel winalo’ob ti’al u yutskíinsiko’ob yéetel u yáantajil Instituto de Infraestructura Física Educativa (Ifeqroo), jo’olbesa’an tumen Abraham Martínez Herrera; ti’al u béeyta’ale’ táan u tukuta’ale’ yaan u k’a’abéetkunsa’al 27 miyonesil pesos.
Ti’ le juevesa’, tu yáax k’iinil úuchik u je’ebel u kúuchil Internet Regreso Responsable a la Escuela, tu’ux unaj u je’ets’el tumen najilo’ob xook wa yaan u suuto’ob meyaj te’e kúuchilo’obo’, ila’ab chéen 60 ti’ le mil 500 najilo’ob xook yane’, tu k’áatajo’ob ka suunako’ob kaambal te’elo’. U jeelo’obe’ tu k’áatajo’ob ka beeta’ak ti’ Internet, je’el bix tak bejla’o’.
Notas relacionadas:
Atender salud emocional de infantes para el regreso a clases
Regreso a la escuela en prescolar es complejo: maestra de Cancún
Personal docente protesta para no volver a las aulas en Yucatán
Escuelas privadas de QRoo: sin estrategia de regreso a clases para media superior
Universidades de Yucatán brindarán apoyo emocional en regreso a clases
Personal docente protesta para no volver a las aulas en Yucatán
Regreso a aulas en análisis por alerta naranja: SNTE Campeche
El retorno a clases presenciales: entre el caos y la urgencia
El Estado debe garantizar el derecho a la educación: Aepaf Yucatán
Xak'alutskíinsa'an tumen: Sasil Sánchez Chan
