Ta’aytak waxakp’éel ja’ab yáax ba’altenajak ti’ lucha libree’, Faby Vidale’ ts’o’ok u béeykunsik ba’ax u k’áat u beet ka’alikil ti’ yaan te’e ringo’, ts’o’okole’ ku beetik balts’am xan. Beey úuchik u líik’il Faby, tumen ichil u baatsile’ suukchaj u beeta’al, tu noojolil Quintana Roo.
Raúl Vidal u k’aaba’ u yuum, leti’e’ tu péektsiltaj lucha libre yéetel u kúuchil Arena Vidal, ba’ale’ tu kanaj xan ba’atel tu beel; beyxan ti’ yaan u suku’un Raúl Vidal Jr. yéetel Adán Vidal, chetumalil ajba’atelo’ob.
“Ka’aj yanchaj in na’ate’ tene’ táanili’ in kuxtal ichil le lucha libreo’ tumen ichil in baatsile’ yanchaj máaxo’ob tu kanajo’ob ba’atel, tak ka tu chukaj 16 in ja’abile’, leti’ ka tin wa’alaj ti’ in yuum taak in káajal xan in beetik”, ku tsikbaltik Faby.
Ba’ale’ u yuume’, Raúl Vidal, tu núukaj ti’ wa jach jaaj u k’áat u kan ba’atle’ yaan u jach ts’áak u yóol, ma’ chéen ba’axali’. Leti’ túune’ tu éejentaje’ ka’aj káaj u kaambal, tak ka tu yóotaj na’akal yóok’ol ring.
También te puede interesar: Faby Vidal sigue la tradición familiar en el mundo de las luchas
Tu jo’oloj ka’ap’éel ja’ab káajak u kaambal Fabye’, yanchaj u pa’atik uláak’ táan chúumuk ja’ab ti’al u páajtal u tukulta’al tu beel bix kéen káajak u ba’atel, tak ka’aj béeychaj tu k’iinil 17 ti’ marzo, ti’ u ja’abil 2014.
Te’e k’inake’ 18 u ja’abil. Fabye’ tu ketajubáaj tu táan La pequeña Saory, La Flor Caribeña, Ades yéetel Sombra Azul, jaytúul ti’ le xba’atelo’ob asab k’a’anantak yaan Chetumal.
Beey úuchik u p’áatal Fabye’ ku jóok’sik kex óoxp’éel k’iin ichil jump’éel p’is k’iinil ti’al u kaambal, ba’ale’ walkila’ tu yotoche’ yaan jump’éel ring, ts’o’okole’ ichil u baatsile’ yaan uláak’ ko’olel kaambanaja’an ti’al ba’ateli’.
Leti’e’ tu tsikbaltaje’, yaan u jela’anil yéetel uláak’ keetilo’ob báaxal tumen lucha libree’ ku táakbesik máak, ts’o’okole’ ku yáanta’al tumen u yéet ba’atelo’ob kex xiibo’ob, tumen leti’ob je’ek’atmaj joolnaj ti’ ti’al u chíikpajal xan. Tak walkila’ ku xokik ts’o’ok 20 u téenal u na’akal ba’atel.
También te puede interesar:
-'Espartano I', medio siglo en el ring
-'Lady Pink Sexy y Muñeco', los gemelos que impulsan el arte del pancracio en Tulum
-La lucha libre en Cancún retoma su aire de convicción
-Temporada de lucha libre en Cancún depende de baja en contagios de Covid-19
-'Factor Nazi', un ex luchador tras el diseño y elaboración de unas mil 200 máscaras
-En Campeche hay fanáticos; lo que falta es lucha: Diego Pinkus
-Fuerza Jaguar, el origen de futuros profesionales de la lucha libre en Mérida
-Faby Vidal sigue la tradición familiar en el mundo de las luchas
-Factor Nazi, ts’o’ok 17 ja’abo’ob káajak u beetik u k’ojilo’ob ba’atel ti’al lucha libre
-Lucha libre: u mu’uk’a’an óol ba’atel le lu’uma’
Xak'alutskíinsa'an tumen: Sasil Sánchez Chan
