de

del

Maanal 90 u ja’abil Julián, ts’o’okole’ láayli’ u meyaj tu chan kúuchil koonole’, ku bin tak merkaadóo yéetel u biikláa yéetel ku yutstal u báaxal yéetel u yáabilo’ob. Mina’an ti’ mix jump’éel k’oja’anil ka u lúubs u yóol. U nojoch máakile’ ma’ u k’áat u ya’al wa chéen k’oja’anil u beelal.
Je’el u páajtal u yutsil máansik máak u ch’ija’anil, ich ki’iki’ óol yéetel toj óolal, beey úuchik u tsikbaltik José W. Bolio García, síirujaanóo jts’akyaj ti’ ch’ija’an máak.
Leti’e’ tu ch’a’achibtaj u k’a’ananil u k’uchul máak toj u yóol kéen u chuk 40 u ja’abil, le beetik jach k’a’anan u bin máak mantats’ yiknal ts’akyaj ti’al u xak’alta’al bix yanik u wíinkilal, tumen beyo’ je’el u páajtal u séeb ila’al wa ba’ax ti’al ma’ u tsa’ayal k’oja’anil ka u p’at ich sajbe’entsil u kuxtal máak.

Kaaj jets’ik ba’ax ja’abil u káajal u ch’ija’anil máak. Ti’ noj lu’umo’ob, je’el bix Méxicoe’, jets’a’an kéen u chuk u ja’abil máake’, leti’ kéen ch’íijik máak, ba’ale’ yaan u jeel lu’umo’ob tu’ux asab mu’uk’anchaja’ano’obe’, tu’ux ku je’ets’el ku káajal kéen u chuk 65 u ja’abil máak, beey a’ala’an tumen Instituto Nacional de Geriatría. 

U ch’íijil máake’ ku yúuchul kéen káajak u jets’ik wíinik ba’alob mu’uk’ankúunsik ba’ax suuk u beetik wa bix suuk u kuxtal, tumen beyo’ ku béeytal u yutsil kuxtalo’ob, yéetel toj óolal.
Ya’abach máake’ ku tukultike’, kéen ch’íijik wíinike’ ku káajal u seen máansa’al talamilo’ob tu wíinkilal, tu tuukul yéetel tu toj óolal, ba’ale’ ma’ unaji’. Je’el u páajtal u ki’iki’ máansa’al le kuxtalo’ wa ka suuka’an u bin máak mantats’ yiknal ts’akyaj ma’ili’ ch’íijiki’.
Bolio García, tu ya’alaje’ mina’an k’oja’anil ku tsa’ayal ti’ máak chéen tumen ku ch’íijil, tu ya’alaj ts’akyaj, máax tu tsikbaltaje’ yaan tak máak 110 u ja’abil ku yilik jach toj u yóol; yéetel uláak’o’obe’, kex 50 u ja’abile’ yaan k’oja’anil tu tuukulo’ob.

Unaj u xak’altik máak bix yanik u áasukáar, u koolesterol, ts’o’okole’ k’a’anan u péeksik u wíikilal, u ch’éenel u ts’u’uts’al chamal, ichil uláak’ ba’alo’ob.

 

No te pierdas nuestro especial del Día del Abuelo:

-Yucatán, el estado que concentra el mayor número de adultos mayores de la Península

-Necesario dejar de normalizar la depresión en adultos mayores: experto

-Vejez no es sinónimo de enfermedades: geriatra

-A sus 93 años, don Aarón halla un nuevo hogar en Bacalar

-Tulum: El maestro Manuel Ventura elude la jubilación; quiere seguir enseñando

-La emoción desconocida

-Tiendanube, opción digital para adultos mayores que deseen emprender un negocio

-Hombres de la tercera edad, los más propensos a sufrir violencia

-Mérida, plena de danza con dos de los mayores eventos de la disciplina

-U asab ya’abil chija’an máaako’ob ichil u yóoxp’éel lu’umilo’ob Petene’, Yucatán yaano’ob

-U ch’íijil máake’ ma’ u k’áat u ya’al wa chéen k’oja’anil u ka’aj máaki’; je’el u béeytal u kuxtal máak yéetel ki’iki’ óolale’

-Realizan en Cancún el 'Abuelotón' para recibir donativos

-Abuelita lucha por sacar adelante a su nieto, tras fallecimiento de su hija

Edición: Emilio Gómez